உலகக் கோப்பை துப்பாக்கி சுடுதலில் இந்தியாவுக்கு 2 தங்கப் பதக்கம்

உலகக் கோப்பை துப்பாக்கி சுடுதல் போட்டியில் இந்தியாவுக்கு நேற்று அணிகள் பிரிவில் 2 தங்கப் பதக்கம் கிடைத்தது.

டெல்லியில் நடைபெற்று வரும் இந்தத் தொடரில் 3வது நாளான நேற்று ஆடவருக்கான 10 மீட்டர் ஏர் பிஸ்டல் அணிகள் பிரிவில் சவுரப் சவுத்ரி, அபிஷேக் வர்மன், ரிஸ்வி ஆகியோரை உள்ளடக்கிய இந்திய அணி இறுதி சுற்றில் 17-11 என்ற புள்ளிகள் கணக்கில் வியட்நாம் அணியை வீழ்த்தி தங்கப் பதக்கம் வென்றது. இதேபோன்று மகளிருக்கான அணிகள் பிரிவில் யஷஸ்வின் தேஸ்வால், மனு பாகர், நிவேதா ஆகியோரை உள்ளடக்கிய இந்திய அணி 16-8 என்ற புள்ளிகள் கணக்கில் போலந்து அணியை வீழ்த்தி தங்கம் வென்றது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3f2L4iE