பணப்பட்டுவாடாவை வீடியோ எடுக்க அதிமுக, திமுக தனிப்படை அமைப்பு

சிவகங்கை மாவட்டத்தில் உள்ள சிவகங்கை, காரைக்குடி, திருப்பத்தூர், மானாமதுரை (தனி) ஆகிய 4 தொகுதிகளிலும் பணப்பட்டுவாடா, தேர்தல் விதிமீறல்கள், வேட்பாளர்கள் செலவுகளைக் கண்காணிக்க நிலையான குழு, செலவின கண்காணிப்புக் குழு, பறக்கும் படை அமைக்கப்பட்டுள்ளன. இருப்பினும், இக்குழுக்களால் பணப் பட்டுவாடாவை முழுமையாகத் தடுக்க முடியவில்லை.

இதனால் அதிகாரிகளை நம்பி இனி பயனில்லை எனக் கருதிய அதிமுக, திமுக கூட்டணியினர் எதிர் வேட்பாளர்களின் பணப் பட்டுவாடாவை வீடியோ எடுத்து புகார் தெரிவிக்க தனிப்படைகளை அமைத்துள்ளனர். அவர்கள் எதிர் வேட்பாளர்கள் பிரச்சாரம் செய்யும் இடங்கள், செயல் வீரர்கள் கூட்டங்களுக்குச் சென்று பணப் பட்டுவாடாவை வீடியோ எடுத்து தேர்தல் அதிகாரிகளுக்கு ஆதாரத்துடன் புகார் தெரிவித்து வருகின்றனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/2Qtp5qV
via