கரோனா தொற்றுக்கு எதிரான போரில் தீவிரம் காட்ட கோவை மாநகராட்சி ஆணையராக இளம் ஐஏஎஸ் அதிகாரி நியமனம்

தமிழகத்தில் தினசரி கரோனா தொற்று பாதிப்பில் கோவை முதலிடத்தில் உள்ள நிலையில், கோவை மாநகராட்சி ஆணையராக இருந்த பெ.குமாரவேல் பாண்டியன் நேற்று முன்தினம் பணியிடமாற்றம் செய்யப்பட்டார். அவருக்கு பதிலாக சென்னை மாநகராட்சி தெற்கு மண்டல துணை ஆணையராக இருந்தஇளம் ஐஏஎஸ் அதிகாரி ராஜகோபால் சுங்கரா கோவை மாநகராட்சி ஆணையராக நியமிக்கப்பட்டுஉள்ளார். 30 வயதாகும் ராஜகோபால் சுங்கரா, கோவை மாநகராட்சிக்கு நியமிக்கப்பட்ட ஆணையர்களில் இளம் வயதுடையவர்.

தெலங்கானா மாநிலம், ஹைதராபாத்தைச் சேர்ந்த ராஜகோபால் சுங்கரா, 1990 ஏப்.11-ல் பிறந்தவர். ஐஐடி காரக்பூரில் வேளாண், உணவு பொறியியல் பிரிவில் பி.டெக். மற்றும் எம்.டெக். (டூயல் டிகிரி முறையில்) படித்து முடித்தவர். பிறகு டெல்லியில் உள்ள ஜவஹர்லால் நேரு பல்கலைக்கழகத்தில் எம்.ஏ. பொது நிர்வாகம் படித்துள்ளார். 2014-2015-ல் ஐஏஎஸ் தேர்வில் 49-வது ரேங்க் பெற்றார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3vbI9J1
via