புலம் பெயர்ந்த இலங்கை தமிழர்களுக்கு - ரூ.142.16 கோடியில் 3,510 குடியிருப்புகள் கட்டும் திட்டம்: வேலூரில் முதல்வர் மு.க.ஸ்டாலின் இன்று தொடங்கி வைக்கிறார்

தமிழகத்தில் புலம் பெயர்ந்த இலங்கை தமிழர்களுக்கு ரூ.142.16 கோடி மதிப்பில் 3,510 புதிய குடியிருப்புகள் கட்டும் திட்டத்தை வேலூரில் தமிழக முதல்வர் மு.க.ஸ்டாலின் இன்று அடிக்கல் நாட்டி, ரூ.53.51 கோடி மதிப்பில் நலத்திட்ட உதவிகளை வழங்க உள்ளார்.

தமிழகத்தில் 106 முகாம்களில் வசிக்கும் புலம் பெயர்ந்த இலங்கை தமிழர்களுக்கு சாலை, குடிநீர், மின்சாரம் உள்ளிட்ட பல்வேறு அடிப்படை வசதிகளுடன் கூடிய புதிய குடியிருப்புகள் அரசு சார்பில் கட்டிக்கொடுக்கப்பட உள்ளன.இதற்கான திட்ட அடிக்கல் நாட்டு விழா வேலூர் அடுத்த மேல்மொணவூரில் உள்ள அரசினர் தொழிற்பயிற்சி நிலைய விளையாட்டுத்திடலில் இன்று (நவ.2) நடைபெற உள்ளது. விழா ஏற்பாடுகள் வேலூர் மாவட்ட ஆட்சியர் குமாரவேல் பாண்டியன் தலைமையில் செய்யப்பட்டுள்ளன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3GIa1eQ
via