பொம்மை உற்பத்தியில் சுயசார்பு இலக்கை நெருங்கும் இந்தியா

குழந்தைகளின் விளையாட்டுப் பொருட்களான பொம்மைகளுக்கு பின் மறைந்துள்ள பொருளாதாரம் மிகப் பெரியஅளவிலானது. அதன் உலகளாவிய சந்தை மதிப்பு ஆண்டுக்கு 7 லட்சம் கோடி அமெரிக்கடாலராக (இந்திய மதிப்பில் ரூ.526 லட்சம் கோடி) இருக்கிறது. அதில் இந்தியாவின் பங்களிப்பு ஒரு சதவீதம்கூட இல்லை. மேலும், இந்தியாவில் பொம்மை விற்பனை ஆண்டுக்கு ரூ.5,750 கோடியாக உள்ளது. அவற்றில் சுமார் 85 சதவீதம் பொம்மைகள் சீனா, ஜெர்மனி, மலேசியா உள்ளிட்ட வெளிநாடுகளில் இருந்து இறக்குமதி செய்யப்படுகின்றன.

இந்நிலையை மாற்றி உலக பொம்மைகள் உற்பத்தி மையமாக இந்தியா மாற வேண்டும், உள்நாட்டு பொம்மைகள் உற்பத்திக்கு முக்கியத்துவம் கொடுக்க வேண்டும் என்று பிரதமர் நரேந்திர மோடி, கடந்த ஆண்டு ஆகஸ்ட் மாதத்தில் அவரது மாதாந்திர ‘மனதின் குரல்’ உரையில் பேசினார். அதற்கேற்ப உள்நாட்டில் பொம்மை உற்பத்தியை அதிகரிப்பதற்காக மத்திய அரசால் பல்வேறு செயல் திட்டங்கள் முன்னெடுக்கப்பட்டன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/32ZyFYX
via