ஸ்டாலின் முதல்வராக பொறுப்பேற்ற 5 நிமிடத்தில் மாட்டு வண்டியில் மணல் அள்ளலாம்: வைரலாகும் செந்தில் பாலாஜி பேச்சு

கரூர் பேருந்து நிலைய ரவுண்டானா அருகே கரூர் சட்டப்பேரவைத் தொகுதி திமுக தேர்தல் தலைமை பணிமனை திறப்பு விழா மார்ச் 15-ம் தேதி நடைபெற்றது. இந்த நிகழ்ச்சியில், கரூர் காங்கிரஸ் எம்.பி. செ.ஜோதிமணி மற்றும் திமுக நிர்வாகிகள் பங்கேற்றனர்.

இந்தக் கூட்டத்தில் கட்சியினரிடையே திமுக மாவட்ட பொறுப்பாளரும், எம்எல்ஏவுமான செந்தில்பாலாஜி பேசும்போது, "தேர்தல் வாக்குறுதியாக ஒன்றே ஒன்றை கூறிக்கொள்கிறேன். அடுத்து திமுகஆட்சி அமைந்ததும் தலைவர் மு.க.ஸ்டாலின் முதல்வராக பதவியேற்று, அதாவது 11 மணிக்குமுதல்வராக ஸ்டாலின் பதவியேற்றுக் கொண்டாரென்றால், 11.05 மணிக்கு மாட்டு வண்டியை நீங்களாகவே ஆற்றுக்கு ஓட்டுங்க. எந்த அதிகாரியும் தடுக்க மாட்டான். அப்படி தடுத்தால் எனக்கு போன் செய்யுங்கள். அந்த அதிகாரிஇங்க இருக்க மாட்டான்" என்றார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3vyGM8C
via