‘மாரியாத்தா சத்தியமா’ சொல்லுங்க : திமுக எம்எல்ஏ கலகலப்பு பிரச்சாரம்

கிருஷ்ணகிரி தொகுதியில் திமுக சார்பில் எம்எல்ஏ செங்குட்டுவன் போட்டியிடுகிறார். கிராமபுறங்களில் பிரச்சாரம் மேற்கொண்டு வரும் அவர், சத்தியமா உதயசூரியன் சின்னத்துக்கு ஓட்டு போடுவீங்களா என பெண் வாக்காளர்களிடம் கேட்டவர், அங்கிருந்த மாரியம்மன் கோயிலைக் காட்டி, மாரியாத்தா சத்தியமா ஓட்டு போடுவீங்களா எனக் கேட்டு கலகலப்பாக வட்டார வழக்கு மொழியில் பேசினார்.

இதனைத் தொடர்ந்து திமுக ஆட்சியில் அத்தியாவசிய பொருட்கள் விலை குறித்தும், அதிமுக ஆட்சியில் விலைவாசி உயர்ந்துள்ளதை சுட்டிக் காட்டியும் பேசினார். கூட்டத்தில் இருந்த பெண்கள், நீங்கள் ஆட்சிக்கு வந்ததும் விலைவாசிய குறைச்சி, கம்மி விலைக்கு பொருட்கள் வழங்குவீர்களா எனக் கேட்டதற்கு, இதற்கு நான் என்ன பத்திரமா எழுதிக் கொடுக்க முடியும் என பதில் கேள்வி கேட்டார். வேட்பாளர்கள் கலகலப்பாக பேசி வாக்குகளை சேகரித்து வருவது கிராமபுறங்களில் வரவேற்பை பெற்றுள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/39hkYVw
via