ஈரோட்டில் வீரமணி கூட்டத்தை புறக்கணித்த திமுக வேட்பாளர்: அதிர்ச்சியில் திராவிடர் கழகம்

ஈரோடு மேற்கு தொகுதியில் போட்டியிடும் திமுக வேட்பாளர் சு.முத்துசாமி, ஈரோடு கிழக்கு தொகுதியில் போட்டியிடும் காங்கிரஸ் வேட்பாளர் திருமகன் ஈவெரா ஆகியோரை ஆதரித்து திராவிடர் கழகம் சார்பில் பொதுக்கூட்டம் நடந்தது. திராவிடர் கழகத் தலைவர் கி.வீரமணி பங்கேற்று திமுக, காங்கிரஸ் வேட்பாளர்களுக்கு ஆதரவு தெரிவித்து பிரச்சாரம் மேற்கொண்டார்.

இந்த கூட்டத்தில் காங்கிரஸ் மூத்த தலைவர் ஈவிகேஎஸ் இளங்கோவன், அவரது மகனும், ஈரோடு கிழக்கு தொகுதி வேட்பாளரான திருமகன் ஈவெரா, திருப்பூர் எம்.பி. சுப்பராயன் ஆகியோர் மட்டும் பங்கேற்றனர். திமுக வேட்பாளர் முத்துசாமியோ, அவரது கட்சியைச் சேர்ந்த நிர்வாகிகளோ, வீரமணியுடன் ஒரே மேடையில் வாக்குச் சேகரிப்பதைத் தவிர்த்தனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/2PyFDxe
via