அறிமுக போட்டியில் அசத்திய இஷான் கிஷன் - இந்திய அணி அபார வெற்றி

இங்கிலாந்து அணியுடனான இரண்டாவது ட்வெண்டி ட்வெண்டி கிரிக்கெட் போட்டியில் இந்திய அணி 7 விக்கெட் வித்தியாசத்தில் வெற்றியை வசப்படுத்தியது.

அஹமதாபாத்தில் நடைபெற்ற இந்தப் போட்டியில் இந்திய அணியில் இஷான் கிஷண், SURYA குமார் யாதவ் ஆகியோர் அறிமுக வீரர்களாக களமிறங்கினர். முதலில் பேட்டிங் செய்த இங்கிலாந்து அணி 20 ஓவர்களில் 6 விக்கெட் இழப்புக்கு 164 ரன்கள் எடுத்தது. அதிகபட்சமாக தொடக்க வீரர் ஜேசன் ராய் 46 ரன்கள் எடுத்தார். ஷர்துல் தாகுர், வாஷிங்டன் சுந்தர் ஆகியோர் தலா 2 விக்கெட் வீழ்த்தினர்.

165 ரன்கள் என்ற இலக்கை, தொடக்க வீரர் இஷான் கிஷன், கேப்டன் விராட் கோலி ஆகியோரின் அதிரடி ஆட்டத்தால் இந்திய அணி 18 ஆவது ஓவரிலயே எட்டியது. அதிரடி விளாசல் காட்டிய இஷான் கிஷன் 32 பந்துகளில் 4 சிக்சர்கள் மற்றும் 5 பவுண்டரிகளுடன் 56 ரன்கள் எடுத்தார். ரிஷப் பந்த் தம் பங்கிற்கு 13 பந்துகளில் 26 ரன்கள் விளாசினார்.

49 பந்துகளில் 73 ரன்கள் குவித்த கேப்டன் விராட் கடைசி வரை ஆட்டமிழக்காமல், வெற்றிக் களிப்புடன் பெலிவியன் திரும்பினார். 5 போட்டிகள் கொண்ட தொடரில் இரு அணிகளும் தலா ஒரு போட்டியில் வென்று சமநிலையில் உள்ளதால் தொடர் விறுவிறுப்படைந்துள்ளது.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3tmZGgG
via