பதற்றம் நிறைந்த பகுதிகளில் துணை ராணுவப் படையினர் நிறுத்தம்; தேர்தல் அமைதியாக நடைபெற தீவிர ஏற்பாடு: காவல் ஆணையர் மகேஷ் குமார் அகர்வால் தகவல்

தேர்தலை அமைதியான முறையில் நடத்த அனைத்து ஏற்பாடுகளையும் செய்துள்ளதாக காவல் ஆணையர் மகேஷ் குமார் அகர்வால் தெரிவித்துள்ளார்.

தமிழக சட்டப்பேரவை தேர்தல் வாக்குப் பதிவு அடுத்த மாதம் 6-ம் தேதி ஒரே கட்டமாக நடைபெற உள்ளது. சென்னை பெருநகரில் உள்ள வாக்குச் சாவடிகள் மற்றும் வாக்கு எண்ணும் மையங்களில் தேர்தல் பாதுகாப்பு தொடர்பான பணிகள் துரிதமாக செயல்படுத்தப்பட்டு வருகின்றன. மேலும், சென்னை பெருநகரில் குற்ற சம்பவங்கள் நடைபெறாமல் தடுக்கவும், பொதுமக்கள் அச்சமின்றி வாக்கு அளிக்க உரிய பாதுகாப்பு உணர்வை ஏற்படுத்திடவும், சென்னையில் உள்ள அனைத்து காவல் நிலைய எல்லைகளிலும், தேர்தல் பாதுகாப்பு பணியில் ஈடுபடும் போலீஸார், மத்திய துணை ராணுவப் படையினர் ஒருங்கிணைந்து, மக்கள் கூடும் இடங்கள், வசிப்பிட பகுதிகளில் காவல் கொடி அணிவகுப்பு நடைபெற்று வருகிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3m7nsLp
via