தொகுதிக்குள் முடங்கிய தமிழக பாஜக தலைவர்கள்: வெளிமாநிலத் தலைவர்களை நம்பியிருக்கும் வேட்பாளர்கள்

சட்டப்பேரவைத் தேர்தலில் அதிமுக கூட்டணியில் 20 தொகுதிகளில் பாஜக போட்டியிடுகிறது. தமிழக பாஜக தலைவர் எல்.முருகன் - தாராபுரம் (தனி), மகளிரணி தேசியத் தலைவர் வானதி சீனிவாசன் - கோவை தெற்கு, மூத்த தலைவர் எச்.ராஜா - காரைக்குடி, மாநில துணைத் தலைவர் அண்ணாமலை - அரவக்குறிச்சி தொகுதிகளில் போட்டியிடுகின்றனர். முன்னாள் மத்திய இணை அமைச்சர் பொன்.ராதாகிருஷ்ணன் - குமரி மக்களவைத் தொகுதி இடைத்தேர்தலில் போட்டியிடுகிறார்.

இவர்கள் தங்கள் தொகுதியைவிட்டு வெளியே வராமல் இருப்பதால் அக்கட்சியின் மற்ற வேட்பாளர்கள் பெரும் சிரமத்துக்கு ஆளாகியுள்ளனர். தமிழகம் முழுவதும் பிரச்சாரம் செய்வார் என்று எதிர்பார்க்கப்பட்ட குஷ்பு,சென்னை ஆயிரம் விளக்கு தொகுதியில் போட்டியிடுவதால் அவரும் தொகுதியைவிட்டு வெளியே வருவதில்லை.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3tBaGYg
via