கரோனா தடுப்பூசி போட வீடுகளில் உள்ள முதியோரை அழைத்துவர வேண்டும்: மாநகராட்சி ஆணையர் வேண்டுகோள்

சென்னையில் தற்போது கரோனா வைரஸ் தொற்றால் பாதிக்கப்பட்டு சிகிச்சை பெற்று வருவோரின் எண்ணிக்கை 2,277 ஆக அதிகரித்துள்ளது. அதிகபட்சமாக அடையார் மண்டலத்தில் 298 பேர் சிகிச்சை பெற்று வருகின்றனர்.

இந்நிலையில் அடையார் மண்டலத்துக்கு உட்பட்ட பெசன்ட் நகர் அன்னை வேளாங்கண்ணி ஆலயத்தில் நடைபெற்ற சிறப்பு மருத்துவ முகாமை மாநகராட்சி ஆணையர் கோ.பிரகாஷ் நேற்று ஆய்வு செய்தார். தொடர்ந்து அதே பகுதியில் நடைபெற்ற கரோனா தடுப்பூசி போடும் முகாமையும் பார்வையிட்டார். மருந்தீஸ்வரர் கோயில் பகுதியை சுற்றியுள்ள கடைகள் மற்றும் எதிரில் உள்ள காய்கறி அங்காடியில், கரோனா தடுப்பூசி போட்டுக் கொள்வது தொடர்பாக விழிப்புணர்வு ஏற்படுத்தினார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3bYO0ed
via