ராணிப்பேட்டை, திருப்பத்தூர், தி.மலை மாவட்டங்களில் தடுப்பூசி போட்டுக்கொள்வதில் ஆர்வம் காட்டாத மக்கள்: கரோனா அலைகளை தடுக்க தடுப்பூசியால் மட்டுமே முடியும் என மருத்துவர் விளக்கம்

பொதுமக்களிடம் தடுப்பூசி குறித்த அச்சம் நிலவுவதாலும் மாவட்டங்களில் தடுப்பூசி கையிருப்பு குறைவாக இருப்பதாலும் திருப்பத்தூர், ராணிப்பேட்டை, திருவண்ணா மலை மாவட்டங்களில் கரோனா தடுப்பூசி செலுத்தும் பணியில் தொய்வு ஏற்பட்டுள்ளது. ஆனால், 90 சதவீதம் பேர் தடுப்பூசியை போட்டுக்கொண்டால் மட்டுமே அடுத்தடுத்த கரோனா அலைகளை தடுக்க முடியும் என மருத்துவர்கள் தெரிவிக்கின்றனர்.

இந்தியாவில் கரோனா தொற்றுக்கு எதிரான தடுப்பூசி திட்டம் கடந்த ஜனவரி மாதம் 16-ம் தேதி தொடங்கியது. முதற் கட்டமாக முன்களப் பணியாளர்களுக்கு தடுப்பூசி போடும் பணி தொடங்கியது. தொடர்ந்து, 60 வயதுக்கு மேற்பட்டவர்கள் மற்றும் 45 வயதுக்கு மேற்பட்ட, இணை நோய் உள்ளவர்களுக்கு தடுப்பூசி போடும் பணி தொடங்கியது. மேலும், சிறப்பு முகாம்கள்நடத்தப்பட்டு 45 வயதுக்கு மேற்பட்டவர்களுக்கு தடுப்பூசி போடும் பணி அதிகரிக்கப்பட்டது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/347RR4d
via