காஞ்சிபுரம், திருவள்ளூர் மாவட்டங்களில் அனைத்து தொகுதிகளிலும் திமுக கூட்டணி வெற்றி: செங்கல்பட்டு மாவட்டத்தில் ஒரு தொகுதியில் மட்டும் அதிமுக வெற்றி

சென்னையை ஒட்டி உள்ள மாவட்டங்களான காஞ்சிபுரம், செங்கல்பட்டு, திருவள்ளூர் மாவட்டங்களில் உள்ள 21 தொகுதிகள் 20-ஐ திமுக கூட்டணி கைப்பற்றியது. செங்கல்பட்டு மாவட்டத்தில் உள்ள மதுராந்தகம் தொகுதியை மட்டும் அதிமுக கைப்பற்றியது.

காஞ்சிபுரம் மாவட்டத்தில் காஞ்சிபுரம், உத்திரமேரூர், ஸ்ரீபெரும்புதூர், ஆலந்தூர் ஆகிய 4 சட்டப்பேரவைத் தொகுதிகள் உள்ளன. இதில் ஆலந்தூர் தொகுதியில் முன்னாள் அமைச்சர் தா.மோ.அன்பரசனும், உத்திரமேரூரிர் திமுக மாவட்டச் செயலர் க.சுந்தரும், காஞ்சிபுரத்தில் திமுக மாநில மாணவரணிச் செயலர் சி.வி.எம்.பி.எழிலரசனும், ஸ்ரீபெரும்புதூரில் திமுக கூட்டணியில் காங்கிரஸ் கட்சியின் சார்பில் செல்வப்பெருந்தகையும் வென்றுள்ளனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3thR5LQ
via