ஆவின் பால் பவுடர் தொழிற்சாலையில் தனி நபர் ஒப்பந்தம் மூலம் தொழிலாளர்களை பணி அமர்த்த எதிர்ப்பு: வாழ்வாதாரம் பறிபோகும் என ஆட்சியரிடம் தொழிலாளர்கள் வேதனை

ஆவின் பால் பவுடர் தொழிற் சாலையில் தனி நபர் ஒப்பந்தம் மூலம் தினக்கூலி தொழிலாளர்கள் நியமிக்கும் முடிவை கைவிட வேண்டும் என தி.மலை மாவட்ட ஆட்சியர் சந்தீப் நந்தூரியிடம் தொழிலாளர்கள் கோரிக்கை மனு அளித்துள்ளனர்.

தி.மலை மாவட்டம் செங்கம் வட்டம் அம்மாபாளையம் கிராமத் தில் ஆவின் பால் பவுடர் தொழிற் சாலை இயங்கி வருகிறது. இந்த தொழிற்சாலையில், நிர்வாகத்தின் மேற்பார்வையில் தினக்கூலி அடிப்படையில் தொழிலாளர்கள் பணியாற்றி வருகின்றனர். இந்நிலையில், தனி நபர் ஒப்பந்தம் மூலமாக தினக்கூலி அடிப்படையில் தொழிலாளர்களை நியமிக்க நிர்வாகம் நடவடிக்கை எடுத்துள்ளது. இதனால், குறைந்தளவு கூலி மற்றும் நிர்வாகம் வழங்கும் சலுகைகள் பறிபோகும் எனக் கூறி, தனி நபருக்கு ஒப்பந்தம் விடும் முடிவை கைவிட வேண்டும் என, தற்போது தினக்கூலி அடிப்படையில் பணியாற்றி வரும் தொழிலாளர்கள் தமிழக அரசு, ஆவின் நிர்வாகம் மற்றும் மாவட்ட நிர்வாகத்துக்கு கோரிக்கை விடுத்துள்ளனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/2T6cfAu
via