இயற்கை சார்ந்த உணவு பழக்கத்துக்கு மாறும் குரங்குகள்: வாழ்வியல் சூழலை பாதுகாக்க வன ஆர்வலர்கள் கோரிக்கை

ஆனைமலை புலிகள் காப்பகத்தில் வெண்மந்தி, கருமந்தி, நாட்டுக் குரங்கு, சிங்கவால் குரங்கு, தேவாங்கு ஆகிய 5 வகை குரங்கு இனங்கள் உள்ளன. ஆழியாறில் இருந்து வால்பாறை வரையுள்ள வனப்பகுதியில், ஆழியாறில் வெண்மந்தி, நாட்டுக்குரங்கும், வாட்டர்பால்ஸ் பகுதியில் கருமந்தி, புதுத்தோட்டம் பகுதியில் சிங்கவால் குரங்கும், அடர்ந்த வனப்பகுதியில் தேவாங்கும் காணப்படுகின்றன. கவியருவி பகுதிக்கு வந்து செல்லும் சுற்றுலா பயணிகள் கொடுக்கும் காரம், உப்பு சுவை மிகுந்த நொறுக்குத் தீனிகளை தின்று பழகிய நாட்டுக்குரங்குகள், அதன் இயற்கை உணவான ஆல், அரசு, அத்தி, இச்சி மரங்களின் இலை, துளிர், பூ, காய், பழம் ஆகியவற்றை முற்றிலும் மறந்தன. செயற்கை உணவினை விரும்பிய குரங்குகள், கவியருவி பகுதியில் சாலையோரங்களில் நிரந்தரமாகவே முகாமிட்டிருந்தன. அவ்வப்போது வாகனங்களில் அடிபட்டு குரங்குகள் உயிரிழக்கும் சம்பவங்களும் அரங்கேறின.

இந்நிலையில், கரோனா முழு ஊரடங்கு காலத்தால், கவியருவிக்குச்செல்ல சுற்றுலா பயணிகளுக்கு தடை விதிக்கப்பட்டது. இவர்களுக்காக காத்திருந்து ஏமாந்துபோன குரங்குகள், படிப்படியாக இயற்கை உணவுப் பழக்கத்துக்கு மாறியுள்ளன. கடந்த 10 நாட்களுக்கு மேலாக சாலையோரங்களில் குரங்குகள் காணப்படவில்லை.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3g6RzQA
via