கரோனா வைரஸ் பெருந்தொற்றால் பெற்றோரை இழந்த குழந்தைகள் அரசின் உதவியை பெறுவதில் நீடிக்கும் சிக்கல்: நடைமுறையை எளிமைப்படுத்துமா தமிழக அரசு?

கரோனா 2-வது அலையின்போது ஏராளமானோர் தங்கள் குடும்ப உறுப்பினர்களை இழந்து தவிக்கின்றனர். குறிப்பாக, இளம் வயதினர் அதிக அளவில் உயிரிழந்ததால் நூற்றுக்கணக்கான குழந்தைகள் பெற்றோரை இழந்து தவிக்கின்றனர். அவர்களுக்கு நேசக்கரம் நீட்டுவதற்கான அறிவிப்பை மத்திய,மாநில அரசுகள் வெளியிட்ட போதிலும் அதை நடைமுறைப்படுத்துவதில் இருக்கும் சிக்கல்கள் பயனாளிகளை தலைசுற்ற வைக்கிறது.

தமிழகத்தில் கரோனா 2-வது அலை மிகவும் மோசமான சூழலை ஏற்படுத்தியது. குறிப்பாக மே மாதத்தில் சென்னை உள்ளிட்ட பெருநகரங்களில் கரோனா மிகஉச்சத்தில் இருந்தது. ஆக்சிஜன்வசதிக்காகவும், மருத்துவமனையில் படுக்கைக்காகவும் நோயாளிகள் வாசலிலேயே காத்திருக்கும் நிலை ஏற்பட்டது. கரோனா சிகிச்சையின்போதே மாரடைப்பு ஏற்பட்டு அதிகளவில் இளம்வயதினர் உயிரிழந்தனர். இந்நிலையில், கரோனாவால் பெற்றோர் இருவரையும் இழந்த 18 வயதுக்கு கீழ் உள்ள குழந்தைகளுக்கு ரூ.5 லட்சமும், ஒருவரை மட்டும் இழந்த பிள்ளைகளுக்கு ரூ.3 லட்சமும் இழப்பீடாக வழங்கப்படும் என அறிவிக்கப்பட்டுள்ளது. அத்துடன் அந்தக் குழந்தைகளின் கல்விக்கும் அரசு வழிவகை செய்துள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3ygqQZ8
via