எம்.ஆர்.விஜயபாஸ்கருடன் தொடர்புடைய தனியார் ஆலோசகர் அலுவலகத்தில் லஞ்ச ஒழிப்பு போலீஸார் சோதனை

முன்னாள் அமைச்சர் எம்.ஆர்.விஜயபாஸ் கருடன் தொடர்புடைய தனியார் நிறுவன ஆலோசகரின் அலுவலகத்தில் லஞ்ச ஒழிப்புப் பிரிவு போலீஸார் நேற்று திடீர் சோதனை நடத்தினர்.

கடந்த அதிமுக ஆட்சியில் போக்குவரத் துத் துறை அமைச்சராக இருந்தவர் எம்.ஆர். விஜயபாஸ்கர். இவர், அமைச்சராக இருந்த காலக்கட்டத்தில் வருமானத்துக்கு அதிகமாக சொத்து சேர்த்திருப்பதாக லஞ்ச ஒழிப்பு துறைக்கு புகார்கள் வந்தன. அதன் அடிப்படையில் எம்.ஆர்.விஜயபாஸ்கர், அவரது மனைவி விஜயலட்சுமி, சகோதரர் சேகர் ஆகியோர் மீது சொத்துக் குவிப்பு வழக்கை லஞ்ச ஒழிப்பு போலீஸார் பதிவு செய்தனர். இதைத் தொடர்ந்து கடந்த 22-ம் தேதி எம்.ஆர்.விஜயபாஸ்கரின் கரூர் வீடு, சென்னையில் உள்ள வீடு மற்றும் அவரது உறவினர்கள், அவர் பங்குதாரராக உள்ள நிறுவனங்கள், நெருங்கிய தொடர்புடையவர்கள் என சந்தேகிக்கப்பட்ட நபர்களின் இருப்பிடம் உட்பட தமிழகம் முழுவதும் 26 இடங்களில் லஞ்ச ஒழிப்பு போலீஸார் சோதனை நடத்தினர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3iaxnQ9
via