ஒருங்கிணைப்பாளர்கள் தேர்தலில் ஓபிஎஸ், இபிஎஸ் வேட்புமனு தாக்கல் செய்தபோது அதிமுக அலுவலகத்தில் 2-வது நாளாக நடந்த தாக்குதல் சம்பவத்தால் சலசலப்பு

அதிமுக ஒருங்கிணைப்பாளர், இணை ஒருங்கிணைப்பாளர் தேர்தல் வேட்புமனு தாக்கலின்போது, 2-வது நாளாக நேற்றும் அதிமுக அலுவலகத்தில் நடந்த தாக்குதல் சம்பவங்களால் பரபரப்பான நிலை காணப்பட்டது.

அதிமுக ஒருங்கிணைப்பாளர், இணை ஒருங்கிணைப்பாளர் தேர்தலுக்கான வேட்புமனு தாக்கல் 3-ம் தேதி தொடங்கியது. ஓ.பன்னீர்செல்வம், பழனிசாமி ஆகியோர் நேற்று காலை மனு தாக்கல் செய்தனர். அவர்கள் போட்டியிட வேண்டி 150-க்கும் மேற்பட்டோர் மனு தாக்கல் செய்தனர். ஓபிஎஸ், இபிஎஸ் மனு தாக்கல் செய்து முடித்தபோது, அதிமுக அலுவலக நுழைவுவாயில் அருகே ஒருவரை தொண்டர்கள் சரமாரியாக தாக்கினர். இதையடுத்து, அங்கு இருந்த காவலர்கள் அவரை அருகே உள்ள திருமண மண்டபத்துக்கு கொண்டு சென்றனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3Dt6bmS
via