சிங்கப்பூரில் இருந்து திருச்சி வந்தவருக்கு கரோனா தொற்று: ஒமைக்ரான் பாதிப்பா எனக் கண்டறிய பரிசோதனை

விமானம் மூலம் திருச்சிக்கு வந்த சிங்கப்பூர் குடிமகனுக்கு கரோனா தொற்று உறுதி செய்யப்பட்டுள்ளது. அவருக்கு ஒமைக்ரான் பாதிப்பு உள்ளதா எனக் கண்டறிய, அரசு மருத்துவமனையில் பரிசோதனைகள் மேற்கொள்ளப்பட்டு வருகின்றன.

ஒமைக்ரான் பரவலைக் கட்டுப்படுத்தும் வகையில், சிங்கப்பூரில் இருந்து திருச்சி விமான நிலையத்துக்கு நேற்று முன்தினம் இரவு தனியார் விமானத்தில் வந்த 141 பயணிகளுக்கு ஆர்டிபிசிஆர் பரிசோதனை மேற்கொள்ளப்பட்டது. இதில், தஞ்சாவூரில் உள்ள உறவினர்களைப் பார்ப்பதற்காக வந்திருந்த சிங்கப்பூர் குடியுரிமைப் பெற்ற தமிழர் ஒருவருக்கு கரோனா தொற்று பாதிப்புஉறுதி செய்யப்பட்டது. இதையடுத்து உடனடியாக அவரைத் தனிமைப்படுத்தி, புத்தூரில் உள்ள அரசுமருத்துவமனைக்குக் கொண்டு சென்றனர். அங்கு, ஒமைக்ரான் பாதிப்பைக் கண்டறிவதற்கான பரிசோதனைகள் மேற்கொள்ளப்பட்டன. பின்னர், சிறப்பு வார்டில் அனுமதித்து அவருக்கு சிகிச்சை அளிக்கப்பட்டு வருகிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3EnnXJr
via