தமிழக காவல் துறையினருக்கான துப்பாக்கிச் சுடும் போட்டியில் தங்கப்பதக்கம் வென்ற காவல் துணை ஆணையர்: பதக்கம் வென்ற சென்னை போலீஸாருக்கு காவல் ஆணையர் பாராட்டு

சென்னை: செங்கல்பட்டு மாவட்டம், ஒத்திவாக்கத்தில் உள்ள துப்பாக்கி சுடும் தளத்தில், கடந்த 6 முதல் 8-ம் தேதி வரை தமிழ்நாடு மாநில காவல் துறையினருக்கான துப்பாக்கி சுடும் போட்டி–2022 நடைபெற்றது. இப்போட்டியில், தமிழக காவல் துறையின் வடக்கு மண்டலம், மத்திய மண்டலம், மேற்கு மண்டலம், தெற்கு மண்டலம், சென்னை பெருநகர காவல், கமாண்டோ படையைச் சேர்ந்த காவல் அதிகாரிகள் மற்றும் போலீஸார் துப்பாக்கி சுடும் போட்டியில் கலந்து கொண்டனர்.

இப்போட்டியில் சென்னை பெருநகர காவல் கீழ்ப்பாக்கம் காவல் மாவட்டம் துணை ஆணையர் கார்த்திகேயன் காவல் அதிகாரிகளுக்கன பிஸ்டல் ரக துப்பாக்கி சுடும் போட்டியில் கலந்து கொண்டு தங்கப்பதக்கம் வென்றார். தண்டையார்பேட்டை காவல் நிலைய உதவி ஆய்வாளர் கிருஷ்ணசாமி 25 அடி தூர பிஸ்டல் ரக துப்பாக்கி சுடும் போட்டியில் கலந்து கொண்டு தங்கப்பதக்கம் வென்றார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/34xxnVP
via