மதுரை | இருசக்கர வாகனங்களை நிறுத்த இடவசதியில்லை - அரசு மருத்துவமனை ‘பார்க்கிங்’ ஆக மாறிய பனங்கல் சாலை

மதுரை: மதுரை அரசு ராஜாஜி மருத்துவமனையில் வாகனங்களை நிறுத்த போதிய இடவசதியின்மையால், மருத்துவமனை அமைந்துள்ள பனங்கல் சாலை ‘பார்க்கிங்’ ஆக மாறியுள்ளது. நெரிசல் மிகுந்த சாலையில் இந்த ‘பார்க்கிங்’ காரணமாக முக்கியமான நேரங்களில் அந்தப் பகுதியில் போக்குவரத்து ஸ்தம்பிக்கிறது.

மதுரை அரசு ராஜாஜி மருத்துவக் கல்லூரி மருத்துவமனை பனங்கல் சாலையில் உள்ளது. இந்த மருத்துவமனை ஒரே இடத்தில் இல்லாமல் கோரிப்பாளையத்தில் பழைய மருத்துவமனை கட்டிடமும், அண்ணா பஸ் நிலையத்தில் விபத்து மற்றும் அவசர சிகிச்சைப் பிரிவு கட்டிடமும், மருத்துக் கல்லூரி மைதானத்தில் சூப்பர் ஸ்பெஷாலிட்டி மருத்துவமனை கட்டிடமும் அமைந்துள்ளது. இந்த மருத்துவமனைகளுகக்கு தினமும் வெளிநோயாளிகள் 13,000 பேரும் உள்நோயாளிகள் 3,500 பேரும் சிகிச்சைக்கு வருகிறார்கள்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/8yrvMBj
via