வீதிமீறல் கட்டிடங்களை அனுமதித்து, பின்னர் வரன்முறை செய்வதற்குப் பதிலாக நகர் மற்றும் ஊரமைப்பு சட்டத்தையே திரும்ப பெறலாமே? - உயர் நீதிமன்றம் கண்டனம்

சென்னை: விதிமீறல் கட்டிடங்களை அனுமதித்து விட்டு, பின்னர் வரன்முறை செய்வதற்கு பதிலாக நகர் மற்றும் ஊரமைப்பு சட்டத்தையே திரும்பப் பெறலாமே என சென்னை மாநகராட்சிக்கு உயர் நீதிமன்றம் கண்டனம் தெரிவித்துள்ளது. சென்னை கோட்டூர்புரத்தை சேர்ந்த விஜயபாஸ்கர் என்பவர், உயர் நீதிமன்றத்தில் தாக்கல் செய்திருந்த மனுவில், "தனியார் அடுக்குமாடி குடியிருப்பில் தரைத்தளம் மற்றும் முதல் தளத்தைவாங்கியுள்ளேன். ஆனால், அந்தகுடியிருப்பில் மூன்றாவது தளத்துக்கு எந்தவொரு திட்ட அனுமதியும் பெறாமல் கட்டியுள்ளனர். இது தொடர்பாக மாநகராட்சி அதிகாரிகளிடம் புகார் தெரிவித்தும் எந்த நடவடிக்கையும் இல்லை" என தெரிவித்திருந்தார்.

இந்த வழக்கை ஏற்கெனவேவிசாரித்த நீதிபதிகள் ஆர்.சுப்பிரமணியன், கே.குமரேஷ்பாபு ஆகியோர், மாநகராட்சி ஆணையர்நேரில் ஆஜராக உத்தரவிட்டிருந்தனர். ஆனால், மழை, வெள்ளநிவாரணப் பணிகளை ஆணையர்மேற்கொண்டு வருவதாக மாநகராட்சி தரப்பில் தெரிவிக்கப்பட்டது. இதையடுத்து ஆணையர் சார்பில் அறிக்கை தாக்கல் செய்தால் போதும் என நீதிபதிகள் தெரிவித்திருந்தனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/mvhMrtp
via