கோவை | மங்களூரு குண்டுவெடிப்பில் தொடர்புடையவர் தங்கிச் சென்றதன் எதிரொலி - தங்கும் விடுதிகளுக்கு கட்டுப்பாடுகள் விதிப்பு

கோவை: போலி ஆவணங்களைக் கொடுத்து, மங்களூரு குண்டு வெடிப்பில் தொடர்புடையவர் தங்கிச் சென்றதன் எதிரொலியாக கோவையில் தங்கும் விடுதிகளுக்கு காவல்துறையினர் கடும் கட்டுப்பாடுகளை விதித்துள்ளனர்.

கர்நாடக மாநிலம் மங்களூருவில் கடந்த 19-ம் தேதி ஆட்டோவில் குக்கர் குண்டு வெடித்தது. இதில் தொடர்புடைய முகமது ஷரீக் போலி பெயர், ஆவணங்கள், பயன்பாட்டில் இல்லாத செல்போன் எண் ஆகியவற்றை கொடுத்து அறை எடுத்து கடந்த செப்டம்பர் மாதம் 3 நாட்கள் தங்கிச் சென்றுள்ளார். கோவை மாநகரில் சிங்காநல்லூர், காந்திபுரம் உள்ளிட்ட பல்வேறு இடங்களில் லாட்ஜ்கள், விடுதிகள், ஹோட்டல்களுடன் கூடிய தங்குமிடங்கள், மேன்ஷன்கள் உள்ளன. இங்கு முகமது ஷரீக் போலி ஆவணங்களைக் கொடுத்து தங்கிச் சென்றதைத் தொடர்ந்து, மேற்கண்ட தங்கும் விடுதிகளுக்கு காவல்துறையினர் கடும் கட்டுப்பாடுகளை விதித்துள்ளனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/JjOQWts
via