PSL | 36 பந்துகளில் 75 ரன்கள்; பெஷாவரை துவம்சம் செய்த ரைலி ருசோவ்

முல்தான்: நடப்பு பாகிஸ்தான் சூப்பர் லீக் சீசனில் முல்தான் சுல்தான்ஸ் அணிக்காக 36 பந்துகளில் 75 ரன்கள் விளாசியுள்ளார் ரைலி ருசோவ். இதற்கு முந்தைய போட்டியில் கிளேடியேட்டர்ஸ் அணிக்கு எதிராக 42 பந்துகளில் 78 ரன்களை அவர் எடுத்திருந்தார்.

பெஷாவர் அணிக்கு எதிரான போட்டியில் முல்தான் அணி வீரர் ஷான் மசூத் அவுட் ஆனதும் களமிறங்கினார் ருசோவ். வந்தது முதலே அதிரடி ஆட்டத்தை துவங்கினார். 36 பந்துகளை எதிர்கொண்ட அவர் 75 ரன்களை குவித்து அவுட்டானார். 12 பவுண்டரிகள் மற்றும் 2 சிக்ஸர்கள் இதில் அடங்கும். இந்தப் போட்டியில் அவரது ஸ்ட்ரைக் ரேட் 208.33. இந்தப் போட்டியில் 56 ரன்கள் வித்தியாசத்தில் முல்தான் அணி வெற்றி பெற்றது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/A4Fm17b