Tamil News Live Today: சிங்கப்பூர், ஜப்பான்... வெளிநாட்டு பயணத்தை முடித்துவிட்டு, தமிழகம் திரும்புகிறார் ஸ்டாலின்!

வெளிநாட்டு பயணத்தை முடித்துவிட்டு, தமிழகம் திரும்புகிறார் முதல்வர் ஸ்டாலின்!

சென்னையில் அடுத்த ஆண்டு ஜனவரி மாதம் உலக முதலீட்டாளர்கள் மாநாட்டை நடத்த தமிழ்நாடு அரசு தீவிரமாக செயல்பட்டு வருகிறது. இந்த மாநாட்டில் முதலீட்டாளர்களை பங்கேற்க அழைப்பு விடுப்பதற்காகவும், தொழில் முதலீடுகளை ஈற்பதற்காகவும் கடந்த 23-ம் தேதி 9 நாள் பயணமாக தமிழ்நாடு முதல்வர் மு.க ஸ்டாலின் சிங்கப்பூர், ஜப்பான் நாடுகளுக்கு சுற்று பயணம் மேற்கொண்டார். அவருடன் தொழில்துறை அமைச்சர் டி.ஆர்.பி ராஜா மற்றும் அதிகாரிகள் உடன் சென்றனர்.

முதல்வர் ஸ்டாலின்

சிங்கப்பூர் மற்றும் ஜப்பான் நாடுகளில், தமிழகத்தில் பல்வேறு தொழிற்சாலைகளை நிறுவுவதற்கான புரிந்துணர்வு ஒப்பந்தம் முதல்வர் முன்னிலையில் மேற்கொள்ளப்பட்டதாக தெரிவிக்கப்பட்டுள்ளது. இந்த நிலையில் ஒன்பது நாட்கள் வெளிநாட்டு பயணத்தை முடித்துக் கொண்டு முதலமைச்சர் ஸ்டாலின் இன்று இரவு 10 மணியளவில் தமிழகம் திரும்புகிறார். சென்னை விமான நிலையத்தில் அமைச்சர்கள் எம்.எல்.ஏ-க்கள் மற்றும் திமுக நிர்வாகிகள் அவருக்கு உற்சாக வரவேற்பு அளிக்க திட்டமிட்டுள்ளனர்.

from India News https://ift.tt/8fHsMxL