ஆப்கனுக்கு இலங்கை பதிலடி

ஹம்பன்தோட்டா: இரு அணிகள் இடையிலான 3 ஆட்டங்கள் கொண்ட ஒருநாள் கிரிக்கெட் போட்டி தொடரின் முதல் ஆட்டத்தில் ஆப்கானிஸ்தான் 6 விக்கெட்கள் வித்தியாசத்தில் வெற்றி கண்டிருந்தது. இந்நிலையில் நேற்று 2-வது ஆட்டம் ஹம்பன்தோட்டாவில் நடைபெற்றது. முதலில் பேட் செய்த இலங்கை அணி 50 ஓவர்களில் 6 விக்கெட்கள் இழப்புக்கு 323 ரன்கள் குவித்தது. அதிகபட்சமாக குஷால் மெண்டிஸ் 75 பந்துகளில், ஒரு சிக்ஸர், 7 பவுண்டரிகளுடன் 78 ரன்களும், திமுத் கருணரத்னே 62 பந்துகளில், 7 பவுண்டரிகளுடன் 52 ரன்களும் எடுத்தனர்.

பதும் நிசங்கா 43, சதீரா சமரவிக்ரமா 44, தனஞ்ஜெயா டி சில்வா 29 ரன்கள் சேர்த்தனர். இறுதி பகுதியில் அதிரடியாக விளையாடிய கேப்டன் தசன் ஷனகா 13 பந்துகளில் 23 ரன்களும், வனிந்து ஹசரங்கா 12 பந்துகளில் 29 ரன்களும் விளாசினர். ஆப்கானிஸ்தான் அணி தரப்பில் மொகமது நபி, பரீத் அகமது ஆகியோர் தலா 2 விக்கெட்கள் கைப்பற்றினர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/poTN3GW