சட்டப்பேரவை பொதுத் தேர்தலுக்கான இறுதிகட்ட ஏற்பாடுகள் தீவிரம்; தமிழகம், புதுச்சேரி, கேரளாவில் பிரச்சாரம் ஓய்ந்தது: ஒரேகட்டமாக நாளை வாக்குப்பதிவு-பாதுகாப்பு பணியில் துணை ராணுவப் படைகள்

தமிழகத்தில் நேற்று இரவு 7 மணி யுடன் பிரச்சாரம் ஓய்ந்தது. நாளை காலை 7 மணிக்கு வாக்குப்பதிவு தொடங்குகிறது. பாதுகாப்பு பணியில் 300 கம்பெனி மத்திய துணை ராணுவப் படையினர் ஈடுபடுத்தப்பட்டுள்ளனர்.

தமிழகத்தில் உள்ள 234 சட்டப் பேரவை தொகுதிகள் மற்றும் கன்னியாகுமரி மக்களவைத் தொகுதி இடைத்தேர்தல் ஆகியவற்றுக்கான வாக்குப்பதிவு நாளை காலை 7 மணிக்கு தொடங்குகிறது. அதை முன்னிட்டு, நேற்று இரவு 7 மணியுடன் அரசியல் கட்சிகள் மற்றும் வேட்பாளர்களின் பிரச்சாரம் ஓய்ந்தது. கரோனா பரவல் தடுப்பு நடவடிக்கையாக முதல் முறையாக தற்போது இரவு 7 மணி வரை இறுதி பிரச்சாரம் மேற்கொள்ள தேர்தல் ஆணையம் அனுமதித்திருந்தது. இதற்கு முன்பு வரை மாலை 5 மணி வரை மட்டுமே இறுதிக்கட்ட பிரச்சாரத்துக்கு அனுமதி வழங்கப்பட்டிருந்தது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3cP35Qd
via