‘ஃபேஸ் மேப்பிங்’ முறைகேடுகளைக் கண்டறியும் ‘ஃபேக் பஸ்டர்’ எனும் புதிய தொழில்நுட்பம் கண்டுபிடிப்பு: பஞ்சாப் மாநிலத்தைச் சேர்ந்த ரோபர் ஐஐடி ஆய்வாளர்கள் சாதனை

இன்றைய நவீன யுகத்தில் அறிவியலும், தொழில்நுட்பமும் மனித வாழ்வின் அடிப்படைத் தேவைகளில் ஒன்றாகி விட்டன.தொழில்நுட்பத்தின் அதிவேக வளர்ச்சியானது சாதக, பாதகங்களை சம அளவில் கொண்டுள்ளதை யாரும் மறுக்க முடியாது. தற்போது உலகளவில் இணையவழி யில் நடைபெறும் முறைகேடுகள், பணமோசடிகள்தான் பெரும் அச்சுறுத்தல்களாக விளங்குகின்றன. மேலும், ஒருவரின்முகத்தை இன்னொருவரின் முகம்போல மாற்றும் ‘ஃபேஸ் மேப்பிங்’ (Face mapping)தொழில்நுட்பம் மிக வேகமாக வளர்ந்து வருகிறது.

புகைப்பட அளவில் இருந்த ‘ஃபேஸ் மேப்பிங்’ தற்போது காணொலிகளிலும் வந்துவிட்டது. தொடக்கத்தில் பெண்களைஇழிவாக சித்தரிக்கும் செயலுக்கு ‘ஃபேஸ்மேப்பிங்’ அதிகம் பயன்படுத்தப்பட்டது. ஆனால், தற்போது இணையவழியில் நடைபெறும் நேர்காணல், தேர்வுகளில் உரிய நபர்களின் முக அமைப்பைப் போலவே இன்னொரு நபரின் முகம் ‘ஃபேஸ் மேப்பிங்’ மூலம் மாற்றப்படுகிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3fSggjL
via