வின்னிங் ஷாட் அடித்த தோனி! டெல்லியை வீழ்த்தி இறுதிப் போட்டிக்குள் நுழைந்தது சென்னை!

நடப்பு ஐபிஎல் சீசனின் முதல் பிளே-ஆஃப் போட்டியில் சென்னை சூப்பர் கிங்ஸ் மற்றும் டெல்லி கேபிடல்ஸ் அணிகள் விளையாடின. இந்த ஆட்டத்தில் முதல் பேட் செய்த டெல்லி 172 ரன்களை எடுத்தது. அந்த இலக்கை விரட்டியது சென்னை அணி. 

ருதுராஜ் - உத்தப்பா அசத்தல்!

ருதுராஜ் கெய்க்வாட் மற்றும் டூப்ளசிஸ் தொடக்க வீரர்களாக களம் இறங்கினர். ஓவருக்கு 8.65 ரன்கள் தேவைப்பட நோர்க்யா வீசிய முதல் ஓவரின் நான்காவது பந்தில் ஒரு ரன் மட்டுமே எடுத்து க்ளீன் போல்டானார் டூப்ளசிஸ். மூன்றாவது பேட்ஸ்மேனாக வந்த ராபின் உத்தப்பா, கெய்க்வாட்டுடன் இணந்து சிறப்பான தொடக்கத்தை கொடுத்தார். 

இருவரும் இணைந்து 110 ரன்களுக்கு பார்ட்னர்ஷிப் அமைத்திருந்தனர். 

10 ரன்கள் சேர்ப்பதற்குள் மூன்று விக்கெட்டுகளை இழந்த சென்னை!

உத்தப்பா 44 பந்துகளில் 63 ரன்களை எடுத்து டாம் கரன் வீசிய 14-வது ஓவரில் அவுட்டானார். அதே ஓவரில் தாக்கூரும் அவுட்டானார். 

தொடர்ந்து அடுத்த ஓவரில் ராயுடு ரன்-அவுட்டானார். 10 ரன்கள் எடுப்பதற்குள் மூன்று விக்கெட்டுகளை இழந்திருந்தது சென்னை. 15 ஓவர்கள் முடிவில் 4 விக்கெட்டுகள் இழப்பிற்கு 121 ரன்களை எடுத்திருந்தது சென்னை. 

இறுதி ஓவரில் மிரட்டிய தோனி!

கடைசி 30 பந்துகளில் 52 ரன்கள் சென்னையின் வெற்றிக்கு தேவைப்பட்டது. 19-வது ஓவரில் 50 பந்துகளுக்கு 70 ரன்கள் எடுத்து ருதுராஜ் கெய்க்வாட் அவுட்டானார். தொடர்ந்து சென்னை அணியின் கேப்டன் தோனி ஆட்டத்தில் சந்தித்த இரண்டாவது பந்தை சிக்சருக்கு விரட்டினார். 

கடைசி ஓவரில் மூன்று பவுண்டரிகள் விளாசி சென்னை அணியை வெற்றி பெற செய்தார் தோனி. இந்த வெற்றியின் மூலம் ஐபிஎல் 2021 சீசனின் இறுதி போட்டிக்குள் முதல் அணியாக நுழைந்துள்ளது சென்னை சூப்பர் கிங்ஸ் அணி. நான்கு விக்கெட்டுகள் வித்தியாசத்தில் இந்த வெற்றியை பதிவு செய்துள்ளது சென்னை. 

டெல்லி அணி வரும் புதன்கிழமை அன்று நடைபெற உள்ள இரண்டாவது பிளே-ஆஃப் போட்டியில் எலிமினேட்டரில் வெற்றி பெறும் அணியுடன் விளையாடும்.  

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/2YBeZs2
via